Deklaratën e Presidentit serb Vuçiç adresuar ndërkombëtarëve “më vrisni, por nuk do ta njoh Kosovën”, analisti Enver Robelli e sheh si një lloj aktrimi nga ana e tij dhe asgjë më shumë.
I ftuar në RTV Ora, ai thotë se kjo është një përpjekje e Vuçiç për të mbajtur gjallë idenë e ndryshimit të kufijve.
“Vuçiç është i njohur për talentin e tij si aktor dhe në vazhdën e talenteve të tij të ndryshme për të aktruar e ka thënë dhe këtë. Kjo është një përpjekje e radhës për të mbajtur aktuale idenë e ndryshimit të kufijve të Kosovës sepse siç po flitet janë zhvilluar mjaft bisedime sekrete nëpër qendra të ndryshme të Europës Perëndimore për korrigjimin e kufijve të Kosovës”, deklaroi Robelli.