Betimi dhe fjalimet e Presidenti të ri Bajram Begaj, kanë bërë jehonë edhe në Serbi, atje ku gjithçka nga mediat shihet me lupë. Sipas tyre, kreu i shtetit shqiptar foli me nota nacionalizmi, duke edhe thënë se do të punojë për të krijuar të ashtuquajturën Shqipëri të Madhe.
Sipas analistëve dhe gazetave serbe, presidenti shmangu termin Shqipëri e Madhe, duke shprehur aspiratat e tij për bashkimin kombëtar të shqiptarëve.
Mediat serbe nuk janë ndalur me kaq, pasi kanë marrë në intervistë Zhivadin Jovanoviç, i cili ka mbajtur postin e ministrit të Jashtëm në periudhën e Millosheviçit. Për të fjalimi i Begajt është një akt kundër sovranitetit dhe integritetit territorial të Serbisë, por edhe të shteteve të tjera ballkanike.