Kryeministri britanik Boris Johnson, është në një gjendje të mirë shëndetësore, pasi la spitalin ku u kurua për koronavirus ditën e djeshme.
Ai tashmë është në shtëpi dhe u shpreh se nëse e fiton plotësisht betejën më Covid-19 gjithçka ua dedikon mjekëve, që siç thotë ai u ka borxh jetën. Johnson, 55 vjeç, kaloi tre netë në kujdes intensiv para se të kthehej në një repart të enjten.
Në një video të regjistruar menjëherë pasi doli nga Spitali i St Thomas, Johnson falënderoi mjekët e shkëlqyeshëm dhe vlerësoi infermierët për kujdesin e tyre të mahnitshëm.
“Dua të falënderoj shumë infermierë, burra dhe gra, kujdesi i të cilëve ka qenë kaq befasues. Unë do të harroj disa emra, kështu që më fal, por unë dua të falënderoj Po Ling dhe Shannon dhe Emily dhe Angel dhe Connie dhe Becky dhe Rachael dhe Nicky dhe Ann”, tha Boris.
Gjithashtu Johnson veçoi dy infermiere – Jenny nga Zelanda e Re dhe Luis nga Portugalia – që i qëndruan pranë shtratit të tij për 48 orë në kohën më kritike.
Familjarët e infermierëve shprehen se janë shumë të lumtur për punën e tyre dhe se ata janë gjithmonë të përkushtuar.
