Drejtori i policisë së Elbasanit, doli këtë të enjte në një konferencë. Në pranga kanë rënë 45 persona, mes tyre edhe biznesmenë, shpërndarës droge, furnizues si dhe drejtues të grupeve kriminale.
“Ka biznesmenë, dhe persona me arsim të lartë por dhe persona me arsim të mesëm. Kryesisht janë mbi moshën 20 -65 vjeç”,-u tha drejtori i Drejtorisë Vendore të Policisë Elbasan, Kryekomisar Ilir Proda. Gjatë operacionit janë sekuestruar drogë, heroinë, kokainë si dhe janë sekuestruar 51 mln lekë. Mbi 490 efektivë policie kanë marrë pjesë në operacion si dhe janë kontrolluar dhjetra banesa dhe lokale.
“Gjatë kontrolleve policia ka gjetur dhe sekuestruar 1 kg e 313 g kokainë. 860 gr heroine, 1 kg kanabis, mijëra doza kokainë, fara kanabis, metadon të sekuestruara. Një armë zjarri, sasi municioni, silenciatorë, armë të forta si dhe një shumë prej 51 milionë lekësh dhe 15 mijë euro. 5 shtetas të tjerë pjesëtarë, dhe në gjendje të lirë edhe 29 shtetas të tjerë. 11 të tyre kanë qenë të dënuar për vepra të lëndëve narkotike, ndërsa të tjerë për vepra të ndryshëm penale. 10 persona janë pjesë e këtyre grupeve kriminale. Hetimi është në vijim. Janë lëshuar 52 urdhër arreste, 48 të proceduar 7 janë në kërkim”,-thotë një prej policëve.