Ka shkuar mbi 200 numri i të arrestuarve në kuadër të një megaoperacioni policor që po zhvillohet në disa qytete të vendit. Shpërndarësit e drogës mësohet se kanë ranë në pranga pasi agjentë të infiltruar bënë blerje të stimuluara të drogës. Shpërndarësit janë në zona të ndryshme, ndërsa prokuroria e Tiranës thotë se i ka dokumentuar me prova dhe filmime aktivitetin kriminal.
Elbasan-Në kuadër të operacionit anti-drogë që po zhvillohet në disa qytete të vendit në Elbasan bëhet me dije se janë arrestuar 7 në persona dhe 5 janë shpallur në kërkim. Mes të arrestuarve edhe një polic. Efektivi Saimir Hysa është vënë në pranga nën akuzë për shpërdorim detyre e përkrahje e autorit të krimit. Në pranga Glidi Ballolli, Frencesk Braho, Evis Duzha, Rapi Malaj, Saimir Rexhepi e Stiven Faqolli. Arrestimet në Elbasan, të ndaluarit nën akuzë për drogë, armë pa leje e trafik veprash arit.
Durrës-20 persona janë arrestuar në Durrës në kuadër të operacionit anti-drogë që po zhvillohet në disa qytete të vendit.
Korçë-Në kuadër të operacionit antidrogë që po zhvillohet në disa qytete të vendit bëhet me dije se në Korçë janë arrestuar 18 persona.
Vlorë-50 të shoqëruar në qytetin e Vlorës gjatë natës dhe mëngjesit të sotëm. Aksioni gjatë natës është zhvilluar nga policia e Vlorës, ndihmuar nga FNSH dhe strukturat e tjera policore. Ndërkohë një person tjetër është arrestuar në Himarë me kokainë në banesë. Janë kapur edhe sasi lëndë narkotike, canabis, kokainë dhe armë zjarri.