Në rrjetet sociale po qarkullon një foto shumë pak e njohur ku duket qartë ish-kryeministri Sali Berisha që për më shumë ishte edhe kreu i PD-së. Sicc mund të shihni edhe nga kjo foto, Sali Berisha është duke folur në një nga mbledhjet që bëheshin në kohën e Partisë së Punës dhe pas shpinës së tij, parrullat për Partinë dhe ish-udhëheqësin komunist Enver Hoxha.
Sipas librezës së anëtarësisë të PPSH që ka mbajtur për 23 vite rradhazi deri në vitin 1991, Sali Berisha është pranuar si komunist pikërisht në datën 8 nëntor të vitit 1968, ose 23 ditë pasi kishte mbushur 24 vjeç.
Ish deputeti i Partisë Socialiste, Sabit Brokaj ka rrëfyer vite më pas në një intervistë për “Debat” në Channel One me gazetarin Roland Qafoku historinë si e propozoi Berishën në parti. “Unë e kam propozuar Saliun për pedagog dhe po unë e kam propozuar më pas si Anëtar të PPSH. Kur unë isha në vitin e 5 ai kishte 3 vjet pedagog dhe donte të hynte në parti e për këtë kërkonte mbështetjen time. Mendoja se ai do të ishte biri besnik i Partisë. Po të ishte komunist i mirë ai do ta donte vendin. Saliu më kërkoi mbështetjen se sipas tij nëse nuk do bëhej anëtar i PPSH do të kthehej në Tropojë. Nuk vlejti as rekomandimi i Ylli Popës dhe në këto rrethana unë e bëra rekomandimin sepse kisha bindjen se Sali Berisha ishte besnik i devotshëm i PPSH. Miku im Musa Ulqini që e disponon këtë dosje herë pas here ma ka kujtuar rekomandimin tim që e kam bërë me shkrim. Pasazhi më interesant që kam shkruar është: Kam bindjen se Sali Berisha do jetë komunist i devotshëm dhe besnik i partisë dhe i popullit”, është shprehur Sabit Brokaj. / Tirananews.al
Foto që po thyen rrjetet sociale 
