Petullat, padyshim janë në krye të listës së gatimeve në shtëpitë tona, janë aq të shijshme sa jo rrallë kush mund ti refuzoje ato.
Sidomos për mëngjeset e fundjavës, të shoqëruara me mjaltë, reçel ose djathë.
Fare thjeshtë mund të mirëprisni edhe miqtë tuaj për një mëngjes fantastik, të shpejtë e mbi të gjitha të shijshëm.
Petullat kanë mënyra gatimi nga më të ndryshmet.
Por një nga mënyrat më të shpejta, dhe të thjeshta janë: petullat me qumësht dhe vezë!
Koha në dispozicion: 15 minuta
Përbërësit:
- 1 gotë Qumësht
- 2 Vezë
- miell
- Kripë
- Vaj
Përgatitja:
Marrim dhe hedhim në një tas vezët duke i rrahur për disa sekonda, pastaj shtojmë qumështin dhe kripën.
Hedhim miellin dalë-ngadalë dhe i përziejmë të gjitha së bashku me lugë, duke krijuar një masë homogjene.
Nxehim pak vaj në tigan dhe pastaj hedhim masën e përgatitur me anë të një luge.
Vazhdoni kështu deri sa ti skuqni të gjitha.
Pasi ti heqim nga zjarri, i shoqërojmë të ngrohta me mjaltë, qumësht, reçel apo djathë.
Petullat janë gati!
Ju bëftë mirë