Nga Mero Baze
E gjithë beteja e dhunës e para 30 Qershorit I ndante palët vetëm në një pikë, tek ata që pretendonin se ishim para një revolte popullore, që i duhej hapur rrugë(dhe kjo ishte dyshja Meta Berisha), dhe tek ata që e konsideornin një “revlucion” artificial të sponsorizuar me rroga shteti nga punonjës bashkiak që donin të imponoheshin me dhunë.
Presidenti në atë kohë jo vetëm që ishte nga ana e tyre që tentonin ta konsideronin legjitime dhunën dhe si një shpërthim popullor, por bazuar dhe në këtë vlerësim, ai mori vendime që i hodhën benzinë zjarrit sic ishte ç’dekretimi i zgjedhjeve më 30 Qershor.
Dhuna më e rënd ndaj shtetit, ishte dhuna që pasoi dekretin e Ilir Metës, pasi zjarrvënësit e shkollave dhe qëndravve të votimit marshonin me urë zjarri në një dorë e me dekretin e Ilir Metës në dorën tjetër. Ai dekret u kthye në një “fatwa” për demokracinë shqiptare dhe rrezikoi që ti vinte zjarrin Shqipërisë.
Sot Presidenti i Republikës, ka deklaruar se situata e dhunëshme ishte artificiale, pra ju bashkua atyre që thoshin se gjithçka është e sajuar për të gjunjëzuar demokrcinë me dhunë.
Ky është një qëndrim dhe velrësim krejt I ndryshëm nga ai para 30 Qershorit. Qëndrimi I parë i Ilir Metës dhe nxitja që ai I bëri dhunës kundër shtetit me dekretin për ç’dekretimin e 30 Qershorit është zanafilla e dhunës reale kundër shtetit dhe shkaku përse opozita tentoi ta quaj legjitime dhunën.
Tani që ky e quan dhunën artificiale, nuk besoj se ka nevojë për ndonjë raport të detajuar për shkarkimin e presidentit. Besoj se mjafton dhe ky pohim që këta gjithçka e kishin të sajuar për të gjunjëzuar përmes dhunës, politikisht shtetn shqiptar. Dhe përtej shakrkimit, këtu ka një vepër të pastër penale, që nuk mund të rrij pa u hetuar.
është e para deklaratë e sinqert e presidentit në relfektimet e tij për ato që ka bërë. Dhe mendoj se nuk ka nevojë për ndonjë deklaratë tjetër. Për kaq ishin ndarë palët para 30 Qershorit. Tani dhe presidenti bie dakord që dhuna kundër shtetit kishte arsye artificiale. Problemi është se ai e frymëzoi, nxiti dhe udhëhoqi atë dhunë dhe duhet të përgjigjet.