Rajoni i Piemonte në Itali ka pezulluar grupin ABV5811 të vaksinës AstraZeneca si një masë paraprake. Ky vendim është urdhëruar nga komisioneri i zonës juridiko-administrative të Njësisë së Krizave të Rajonit të Piemonte, Antonio Rinaudo, pas vdekjes, së një mësuesi që ishte vaksinuar me këtë vaksinë. Prokuroria Publike në Bolonjë do të hapë një dosje për vdekjen e Giuseppe Morabito, mësues i shkollës së mesme “Veggetti” në Vergato , i cili vdiq natën e kaluar rreth dhjetë ditë pas administrimit të një doze të AstraZeneca vaksina. Ky vendim për pezullimin vjen si një veprim i maturisë ekstreme ndërsa pritet të verifikohet nëse ekziston një lidhje shkakësore midis vaksinimit dhe vdekjes.
Me origjinë nga Italia e Jugut, 61 vjeçari, ishte zhvendosur në Vergato shumë vite më parë, dhe i ishte nënshtruar vaksinimit me AstraZeneca më 3 mars. Sipas mediave italiane mëngjesin e djeshëm disa kolegë të tij kishin vendosur që ta vizitonin por ai nuk përgjigjej në telefon dhe nuk e hapte derë. Më pas autoritetet e kanë gjetur atë të vdekur në shtrat.