Kryetari i Partisë së Lirisë, Ilir Meta, në një takim me strukturat e qarkut të Beratit, nuk i kurseu sulmet ndaj kryeministrit Edi Rama, të cilin e quajti një hajdut të jashtëzakonshëm.
Duke folur për protestat, ish-presidenti u shpreh se misioni më i rëndësishëm i opozitës, është zgjimi mbarëkombëtar.
“Do ta palosim Edi Ramën, do t’ia marrin të gjitha pushtetet”, paralajmëroi Meta.
‘Pushtetin nuk do ta marrin për PL apo për PD, pushtetin do t’ia japim popullit. Nuk do ta lëmë Edi Ramen të nëpërkëmbë të drejtat e qytetarëve shqiptarë qetësisht dhe brutalisht. Unë do të jem vetë aty përpara Parlamentit, bashkë me të gjithë qytetarët shqiptarë. Në këtë mënyrë do të çojmë përpara këtë revolucion antikorrupsion. Do të jemi aty për të çuar përpara iniciativën tonë për heqjen e taksës së karbonit, për të ulur çmimin e karburantit. Do të jemi në protesta qytetare dhe politike kudo, atje ku ndodh afera.”