Ish-presidenti Ilir Meta në daljen e parë nga LSI-ja pas 5 viteve në krye të Presidencës, lëshoi një lum me akuza ndaj qeverisë Rama, dhe njëra prej tyre lidhet me shkarkimin e Kryenegociatorin e Shqipërisë me Bashkimin Europian, Zef Marzin. “Hapëm dhe ne shkarkuam kryenegociatorin pa nisur akoma negociatat, duke treguar seriozitetin e atyre që urrejnë meritokracinë dhe median e lirë. Erdha këtu për të treguar se jam krenar për forcën politike që kam krijuar në vitin 2005 dhe në 2006”.
Po ashtu Meta ka thënë se rimarrë kartën e anëtarësisë dhe tashmë ky është një agim i ri. Ish-presidenti Ilir Meta tha se është krenar që krijoi partinë në vitin 2004 për integrimin europian të vendit.
“Ja që nuk ka vetëm 24 korrik, por ka edhe 25 korrik. Një ditë e re një agim i ri edhe një rrugë e re. Erdha sot këtu sepse kisha pak nostalgji për këtë dokumentin e LSI-së edhe sepse jam krenar që kam krijuar në 2004 një forcë politikë për të shpëtuar integrimin europian që mbahte peng nga PS. Falë atij angazhimi të jashtëzakonshëm të LSI-së u bë rrotacioni që kleptokracia humbi ato mandate. Falë atij rrotacioni Shqipëria firmosi marrëveshjen e Stabilizim-Asociimit”.