Gjatë pjesëmarrjes në Forumin IX Global që po mbahet ditën e sotme në Baku të Azejbarxhanit, presidenti Ilir Meta u shpreh se përmirësimi i shëndetit publik global është një urgjencë për të parandaluar çdo pandemi të mundshme në të ardhmen.
Kreu i shtetit theksoi se është e rëndësishme të bëhet një koordinim më i mirë botëror për sistemet e paralajmërimit të hershëm për gjurmimin e transmetimit, ndarjen e vaksinave dhe bashkëpunimin mes shteteve
“Përmirësimi i shëndetit publik global është një urgjencë, për të parandaluar çdo pandemi të mundshme në të ardhmen. Nevojitet një koordinim më i mirë botëror për sistemet e paralajmërimit të hershëm dhe gjurmimin e transmetimit, ndarjen e vaksinave, ilaçeve dhe pajisjeve, zhvendosjen e produkteve dhe pajisjeve mjekësore me rëndësi jetike, si dhe për bashkëpunimin ndërshtetëror në fushën e kujdesit shëndetësor, kërkimit mjekësor dhe bioteknologjinë. Përparësia e Shqipërisë si anëtare e Këshillit të Sigurimit të OKB-së është të kontribuojë në forcimin e Organizatës Botërore të Shëndetit si autoriteti udhëheqës dhe drejtues për shëndetin global, duke qenë në qendër të arkitekturës botërore të shëndetit.”