Presidenti Ilir Meta ka përshëndetur votën unanime të dhënë në Kuvendin e Shqipërisë për Protokollin e Anëtarësimit të Maqedonisë së Veriut në NATO. Duke mos përmendur asnjë fjalë për zhvillimet në seancën e sotme, Meta theksoi prezencën e kryetarit të Parlamentit të shtetit fqinj Talat Xhaferri që nderoi “votën solemne”.
“E duartrokas votimin unanim nga Kuvendi të Protokollit të Anëtarësimit të Republikës së Maqedonisë së Veriut në NATO! Prezenca e Kryetarit Xhaferi e nderoi këtë votë solemne.
Vizioni dhe vendosmëria politike për t’i hapur rrugën europiane dhe euro-atlantike vendit meriton vlerësimin më të lartë dhe mikpritjen më të ngrohtë në familjen Trans-Atlantike! Krenar për rolin kyç që luajnë shqiptarët në këto vendimmarrje jetike për Republikën e Maqedonisë së Veriut dhe për të gjithë rajonin!
Më të sigurtë dhe më të fortë së bashku në NATO!”, thotë Meta