Kreu i shtetit Ilir Meta gjatë vizitës së tij në Japoni ku mori pjesë në inaugurimin e perandorit është takuar me kryeministrin e vendit, Shinzo Abe.
“Japonia është një partner shumë i rëndësishëm i Shqipërisë, me kontribute të jashtëzakonshme për zhvillimin ekonomik dhe social të vendit”, u shpreh Kreu i Shtetit gjatë takimit.
Meta duke vlerësuar rritjen e interesit të turistëve japonezë për Shqipërinë, theksoi rëndësinë e heqjes së vizave nga Japonia për të gjithë qytetarët shqiptarë, sa më shpejt, që të rriten më tej shkëmbimet njerëzore midis dy vendeve.
Kryeministri Abe premtoi se do ta konsiderojë këtë kërkesë të Presidentit Meta. Gjatë takimit, Kreu i Shtetit vlerësoi edhe asistencën financiare dhe teknike të dhënë nga Japonia nëpërmjet Agjencisë së Bashkëpunimit Ndërkombëtar (JICA).