Duke folur nga Durrësi kreu i shtetit Ilir Meta tha se ka këmbëngulur për një dialog të qëndrueshëm politik që palët të marrin përgjegjësitë dhe të rivendoset normaliteti.
Por në gjithë këtë situatë kreu i shtetit nuk e shfajëson opozitën. “Sot kemi një parlament që nuk jep llogari para askujt, një shumicë që kontrollon gjithçka një situatë kaotike në të gjitha drejtimet. Përgjegjësi e palëvve politike në vend, asnjë nuk mund të shfajësohet, dhe opozita i ka pas mundësitë për të parandaluar me propozime me këmbë në tokë shumë nga këto marrëzitë që kanë ndodhur në drejtim të përparimit të skenarit të qartë të kapjes së gjithë institucioneve në vend. Shqipëria nuk mund të ecë në dy rrugë që nuk takohen me njërat-jetrën, që janë rruga e kapjes së gjithë institucioneve nga një anë në mënyrë tërëisht jo demokratike dhe rruga tjetër ajo e delegjitimitit të të gjithë instiuticoneve”, tha Meta.
Ai tha se ka qenë për një dialog të qëndrueshëm politike “në mënyrë që të rivendoset normaliteti i demokracisë në vend dhe që të funksionojë kontrolli dhe balanca mes pushteteve të ndryshme e mbi të gjitha llogaridhënia”.
