Diplomati Agim Nesho është shfaqur në podiumin e LSI-së tashmë partia e Lirisë si një nga prurjet e reja të Ilir Metës. Gjatë fjalimit të tij, Agim Nesho, ndoshta nga mosha apo nga ekzaltimi bëri edhe një gafë që vuri në siklet Ilir Metën dhe simpatizantët e kësaj partie.
Duke bërë një kthim në kohë, ai tha se Edi Rama erdhi në pushtet me aleancën e qelbësirave.
“Partia e re do të rikthejë shtetin ligjor. Ky regjim erdhi në pushtet nga ashtuquajtura aleanca e qelbësirave”, tha Nesho duke vënë në siklet sallën e Pallatit të Kongreseve dhe Ilir Metën, pasi shprehja “aleanca e qelbësirave” i dedikohet aleancës së Edi Ramës me LSI në vitin 2013.