Më 27 maj, në Luginën e Preshevës, Shaip Kamberi dhe “Koalicioni i Shqiptarëve të Luginës” kërkojnë për herë të tretë mbështetjen e shqiptarëve për sigurimin e ulëses së vetme të përfaqësimit në Kuvendin e Serbisë.
Presidenti Ilir Meta ka publikuar një mesazh në mbështetje të Kamberit, nëpërmjet të cilit fton shqiptarët që t’u drejtohen masivisht kutive të votimit në qendrën numër 6 në Tërnoc, dhe të votojnë Koalicionin e Shqiptarëve të Luginës.
“Nesër, më 27 maj, Shaip Kamberi dhe “Koalicioni i Shqiptarëve të Luginës”, për herë të tretë kërkojnë mbështetjen e shqiptarëve në sigurimin e një vendi në Parlamentin e Serbisë. Si kandidat i vetëm për të përfaqësuar zërin e shqiptarëve në Luginë, atij i duhet e gjithë mbështetja e votuesve të Qendrës numër 6 në Tërnoc, për të kthyer prapa padrejtësinë e ripërsëritjes për herë të tretë të votimit. Ftoj të gjithë votuesit shqiptarë në këtë qendër votimi, që nesër masivisht t’u drejtohen kutive të votimit e të mbështesin Shaip Kamberin dhe “Koalicionin e Shqiptarëve në Luginë”.