Milan ka marrë fitoren e radhës në kampionat, triumf 2-0 ndaj Atalantës në shtëpi, duke grumbulluar kështu 47 pikë në vendin e 3-të.
Një super-goditje e Theos do i jepte avantazhin kuqezinjve në minutën e 25-të. Kordinim perfekt i tij, topi ishte i pamundur për t’u kapur nga Musso.
Në pjesën e dytë, bergamaskët dominuan lojën, por e patën shumë të vështirë të konkretizonin dhe të godisnin kundërshtarin. Titullar në këtë sfidë për ekipin e Gasperinit ishte Berat Gjimshiti. Në fund pati kohë edhe për një gol të Messias.
Te Milani mund të festojnë jo vetëm për fitoren, por edhe për rikthimet në fushë të portierit Maignan dhe sulmuesit Ibra.