Ministri i Brendshëm, Taulant Balla përgëzoi sot Policinë e Sarandës për parandalimin e një ngjarjeje kriminale duke arrestuar 4 persona.
“Policia e Shtetit duhet të bëjë gjithçka për parandalimin e ngjarjeve kriminale dhe goditjen e armëmbajtjes pa leje, të cilat ndikojnë drejtpërdrejt në rritjen e parametrave të sigurisë së jetës dhe pronës së qytetarëve”, u shpreh Balla në një reagim. “Përgëzoj Policinë e Shtetit Sarandë, për rritjen e forcave parandaluese dhe goditëse, që rezultuan me parandalimin e një tentative për t’i hequr lirinë një shtetasi, nga 4 shtetas të armatosur”, theksoi ministri Balla.
Po ashtu ministri Balla thekson edhe se Policia e Shtetit duhet të bashkëpunojë me qytetarët dhe do të sigurojë inteligjencë policore, me qëllim parandalimin e ngjarjeve kriminale.