Përpjekja për vrasjen e kryeministrit të Sllovakisë Robert Fico ishte e motivuar politikisht, tha ministri i brendshëm i vendit, duke shtuar se informacioni bazohet në “intervista fillestare me të dyshuarin”.
“Kjo tentativë për vrasje ishte e motivuar politikisht dhe i dyshuari mori vendimin për ta bërë atë menjëherë pas zgjedhjeve presidenciale”, tha ministri i Brendshëm Matush Šutaj Eštok në një konferencë shtypi jashtë spitalit në Banska Bystrica, ku po trajtohet kryeministri, shkruan CNN.
“Është e qartë se kjo ishte e motivuar politikisht”, tha Ministri i mbrojtjes Robert Kaliňák, duke folur së bashku me Eštok.
Kaliňák tha se Fico “pësoi lëndime të shumta”, por nuk dha asnjë detaj kur gazetarët pyetën nëse kryeministri u qëllua në stomak.