Ministri i Infrastrukturës dhe Energjisë, Enea Karakaçi, mori pjesë në eventin e kushtuar infrastrukturës nëntokësore në zonat urbane, me fokus sistemimin e kabllove ajrore dhe heqjen e strukturave të improvizuara që dëmtojnë pamjen e qyteteve.
Gjatë fjalës së tij, ministri theksoi se Shqipëria po punon për të harmonizuar zhvillimin e rrjeteve të komunikimeve me standardet e Bashkimit Europian, me synimin për ndërtimin e rrjeteve moderne me fibër optike deri te përdoruesi fundor.
“Shqipëria po harmonizon zhvillimin e rrjeteve të komunikacioneve me standardet e Bashkimin Europian, duke synuar ndërtimin e rrjeteve me fibër optike deri në përdorimin fundor. Ministria ka miratuar në konsultim me publikun dhe me të gjithë aktorët ligjin e ri për legjislaturën e ‘Gigabit’, duke përfaruar legjislacionin e ri evropian”, tha ai.
Sipas ministrit, ky proces synon kalimin gradual drejt infrastrukturës nëntokësore, ku bashkitë pritet të luajnë një rol kyç në zbatimin dhe koordinimin e projekteve në terren.