Gazetari Andi Bejtja ka kritikuar Ministrinë e Turizmit për spotin ‘Taken by Albania’ në studion e emisionit ‘Opinion’, që e cilësoi si katunar.
“Mirë ishte që debati të bëhej para se të bëhej spoti. Mua nuk më shqetëson shumë një film që ka për personazh një tropojan. Është pak spot katunar. Nuk ka pse më bën mua impresion një film e ta kthej këtë për një spot për turizmin. Mund të kishte ndodhur atë vit që doli filmi, se po ta kërkosh në google del filmi Taken e pastaj del spoti”, deklaroi Bejte.
Ministri Blendi Klosi nga ana tjetër mbrojti spotin duke thënë se ai ia arriti qëllimit pasi është parë mbi 1 milion herë. “Super sukses, realisht arriti që të ngjallet një kureshtje”, tha ministri, por sipas tij ky nuk është spoti i shtetit shqiptar. “Nuk është video zyrtare e shtetit shqiptar. Ne jemi përpjekur ta promovojmë”.
Gazeta “The Telegraph”e ka cilësuar spotin si sloganin më të shëmtuar në botë. “Shqipëria meriton një mori vizitorësh – edhe nëse ekipi i saj i marketingut duhet të tërhiqet në bordin e vizatimit”, raportonte gazeta britanike.