Ministri Mete jep lajmin: Është marrë vendimi, Shqipëria del nga lista gri e pastrimit të parave

Ministri i Financave, Ervi Mete këtë të premte bashkë me përfaqësuesit e Bankës Botërore dhe FMN-së, dolën në një konferencë për mediat. Mete njoftoi vendimin që Shqipëria të dalë nga lista gri e pastrimit të parave. ”Shqipëria nuk është më në listën gri për pastrimin e parave. Vendimi është marrë sot nga FATF. Ky është lajm inkurajues për të vazhduar luftën kundër pastrimit të parave. Shqipëria u fut në listën gri për pastrimin e parave në shkurt 2020. Task Forca Financiare (FATF) e MONEYVAL, është një mekanizëm i përhershëm i Këshillit të Europës që ka detyrën të vlerësojë zbatimin e standardeve në luftën kundër pastrimit të parave dhe krimit të organizuar”.