Një ditë pas konfirmimit zyrtar të variantit Delta të COVID-19 në vendin tonë, Komiteti Teknik i Ekspertëve ka bërë lëvizjen urgjente.
Komiteti njofton se do të mblidhet sot në orën 13:00 ku do të diskutojë për variantin Delta, por nuk dihet ende nëse do të ketë ndryshim të masave anti- COVID.
Prania e variantit Delta në vendin tonë u konfirmua një ditë më parë nga Ministria e Shëndetësisë, pas përgjigjes që erdhi nga kampionet e dërguara në Institutin e Virologjisë – Charite në Berlin të Gjermanisë, ku u krye analiza e thellë gjenetike e sekuencimit të gjenomës së virusit në këto kampione, rezultoi varianti Delta B.1.617.2.