Ministri italian i Arsimit Giuseppe Valditara tha sot në klasat e shkollave të vendit, shumica e studentëve duhet të jenë italianë.
“Parimet e Kushtetutës mund të kuptohen më mirë nëse studentët e huaj mësojnë italisht në mënyrë të përforcuar – ata që nuk e njohin mirë atë – dhe nëse në shkolla u mësohet në thellësi Historia, letërsia, arti, Muzika italiane, dhe nëse prindërit e tyre marrin pjesë në mësimin e gjuhës italiane dhe të kulturës së vendit, sepse në të kundërt do të jetojnë në komunitete të veçanta”, thotë ministri.
Kjo deklaratë vjen pas deklaratës së sekretarit të Lidhjes dhe ministrit të Transporteve, Matteo Salvini, sipas të cilit “prania e nxënësve të huaj në çdo klasë shkollore nuk duhet të kalojë 20% të totalit”.
Nga opozita e qendrës së majtë , Partia Demokratike thekson se pozicionit të ministrit të Arsimit i mungon logjika dhe se “Valditara tani po vepron si zëdhënësi i Salvinit”. Sindikata më e madhe e vendit, Cgil, vlerëson se “janë propozime anakronike, të cilat nuk marrin parasysh se shkolla është një vend që bashkon.
Nga koalicioni , partia Adelfia e Italisë, e kryeministres Giorgia Meloni, mbështet qëndrimin e ministres së Arsimit, me logjikën se duhen shmangur dukuritë si ato në periferi të Parisit, ku po inkubohet kultura e intolerancës.”