Ministrja e Shëndetësisë dhe Mbrojtjes Sociale, Ogerta Manastirliu, në fjalën e saj në Kongresin e Shëndteësisë, tha se do të rimbursohen fishat e diabetit diabetit falas për qytetarët mbi 65 vjeç.
“Siç premtuam, fishat për matjen e diabetit për të moshuarit mbi 65-vjeç rimbursohen sot nga shteti. Me politikat e orientuara drejt parandalimit financojmë sot programe të depistimit apo diagnostikimit të hershëm për kancerin e gjirit, të qafës së mitrës dhe kolorektal“, bëri me dije ministrja Manastirliu.
Shifrat e pacientëve me diabet po shtohen çdo ditë, aq sa çdo vit po preken 60 fëmijë të vegjël. Deri në 18 vjeç ata i marrin falas fishat për të matur gliceminë. Premtimi për moshat 65 vjeç e lart u dha që në muajin janar të këtij viti nga Ministria e Shëndetësisë.