Fëmijët janë bekim, dhe nuk ka rëndësi nëse je në karrierë apo bën një jetë të zakonshme, por për një grua është suksesi më i madh i jetës.
Gsh.al bën të ditur se në pritjen e ëmbël është ministrja e Mbrojtjes Olta Xhaçka. Ajo është nënë e një vajze, Hana 4-vjeçare. Xhaçka është kujdesur gjithmonë që jetën private ta mbajë larg medias e në fakt shumë rrallë mund të kemi parë foto të saj me vajzën. Të vetmet foto zyrtare nga jeta private janë ato të dasmës me bashkëshortin Artan Gaçi, ish deputet i PS-së.
Vetë ministrja është kujdesur ta mbajë lajmin larg fokusit të medias, duke u përqëndruar tek puna e saj. Burime për GSH bëjnë me dije se ministrja është në muajt e parë të shtatzanisë dhe ende herët për të zbuluar gjininë. Megjithatë barku i rrumbullakosur i saj tanimë nuk mund të fshihet