Një tregues i mirë se jeni bërë miq me kolegët në punë mund të jetë fakti që ankoheni së bashku. Aftësia për të bërë thasthetheme apo debate rreth punës është një sinjal rehatie me njëri-tjetrin, dhe mund të jetë fillimi i një miqësie të fortë në punë.
Por megjithatë ka disa paralajmërime për këto thashetheme dhe bisedat e tepruara mund të çojnë në përkeqësimin e kulturës së punës.
Patricia Sia, profesore e komunikimit në Universitetin e Arizonës thotë se një moment i tillë, kur “hapesh” me një koleg në punë shënon një fazë të rëndësishme që ajo e quan spektri i Mikut-koleg. “Kërkimi im tregon se kur njerëzit nisin të flasin për problemet në punë dhe ankohen me njëri-tjetrin tenton të shtyjë një miqësi në nivele më të ngushta. Kjo kërkon shumë besim”, thotë Sia.
Edhe pse përgjithësisht thashethemet në punë shihen si diçka negative, ekspertët e komunikimit e shohin ndryshe, kthimin e mjedisit të punës në një mjedis më pro-social.
Megjithatë kjo nuk do të thotë se nuk ka dhe anët negative. Ekspertët thonë se zgjatja në kohë e ankimeve për punën është më keq për ty dhe moralin tënd në punë, që tingëllon si diçka që e thonë shefat në fakt.