Gazetarja Mira Kazhani ka rrëfyer se është bërë pishman që s’ka veshur asnjëherë minifund në jetën e saj, edhe kur ka qenë e re.
E ftuar në studion e “Provokacija”, Mustafa Nano e ngacmoi gazetaren duke e pyetur se kur ka veshur minifund për herë të parë, dhe kjo e fundit filloi të fliste për këmbët e saj.
Mira tregoi se motra e saj ka veshur minifund dhe familja nuk i ka thënë asgjë. Por gazetarja Kazhani shton më tej se ajo i ka këmbët më të bukura se të motrës, të paktën kështu i thonë.
“Nuk kam veshur kurrë minifund dhe kam bërë shumë gabim. Kam bërë shumë gabim që nuk e kam veshur kur isha adoleshente kur isha vajzë pak më e re. Tani nuk besoj që do ta vesh më. Nuk më ke parë asnjëherë me minifund. Mos e ngatërro fustanin deri tek gjuri me minifundin.
Minifund nuk kam veshur asnjëherë dhe gabim ka bërë. Motra ime ka veshur për shembull. Motrës nuk i thanë asgjë dhe të mendosh i kam këmbët më të bukura se të motrës, kështu thonë në familje. Nuk e di pse nuk e kam zgjedhur por kam dashur të bëj si e madhe, si serioze”, tha Mira Kazhani.