Të marrësh avioni e të udhëtosh e lirë, është tashmë një e drejtë e plotë ligjore e grave dhe vajzave në Arabinë Saudite.
Ndonëse në realitetin tonë duket si diçka e zakonshme, bëhet fjalë për një hap të rëndësishëm përpara.
Tashmë çdo vajzë apo grua mbi 21 vjeç mund të udhëtojë e vetme dhe nuk i nevojitet leja e një babait apo bashkëshortit, që shërbente si gardian për jetën dhe liritë e saj.
Një tjetër e drejtë që u jepet grave përmes këtij ligji, është edhe regjistrimi i një fëmije në gjendjet civile, deklarimi i martesës apo kërkesa e divorcit, të gjitha këto, deri më sot tabu për gruan saudite.
Ligji është pjesë e reformave ligjore të ndërmarra nga princi i kurorës Mohamed Bin Salman, që synon emancipimin e gjinisë femërorë në një nga shoqëritë më patriarkale të globit.
Pjesë e të njejtës reformë ishte edhe lejimi i vajzave dhe grave të merrnin lejen e drejtimit të automjeteve, një lajm që bëri bujë në mbarë botën.