Policia e Tiranës ndaloi Arben Goxhen, pronarin e kompanisë AMG Food, që importoi nga Brazili mish pule me salmonelë. Ai u shpall në kërkim më 29 mars dhe akuzohet për “Importim, prodhim, shitja dhe ruajtja e ushqimeve të rrezikshme për shëndetin ose jetën e njerëzve”.
Sipas policisë, pas konsultimit me prokurorin u vendos që 50-vjeçari do të hetohet në gjendje të lirë. Ai akuzohet se më 11 mars importoi nga Brazili gati 8 tonë mish pule të kontaminuar me salmonelë.
Përveç tij, hetim në gjendje të lirë policia nisi edhe për vëllai i tij, Mondi Goxhe. Ai pronar i kompanisë “Dimal” që merr mishin e papërpunuar të pulës nga AMG për të prodhuar produkte të ndryshme. Edhe tre inspektorë të AKU-së janë nën hetim, të akuzuar për shpërdorim detyre.