Kreu i Demokracisë së Re, Kyriakos Mitsotakis, në mesazhin e tij për zgjedhjet foli për një mandat të fortë nga qytetarët, ndërsa rezultatet e deritanishme tregojnë një fitore gjithëpërfshirëse të fraksionit të tij, i cili duket se ka siguruar 158 mandate në Kuvend.
“Për herë të dytë brenda pak javësh, qytetarët jo vetëm që dhanë një mesazh vazhdimësie, por na dhanë një mandat për të ecur më shpejt në rrugën e ndryshimeve të mëdha që i duhen vendit tonë. Ata mbyllën përfundimisht një cikël traumatik të gënjeshtrave dhe toksicitetit që e mbajti vendin prapa. Duke krijuar kështu epokën e përparimit të vërtetë. Reformat e mëdha do të ecin me shpejtësi”, u shpreh Mitsotakis.