Kreu i Këshillit Kombëtar të PD-së, Edi Paloka i bën thirrje qytetarëve që të marrin pjesë në protestën e së shtunës, kjo jo për PD-në, por për veten e tyre. Teksa ka renditur disa arsyse pse do të bëhet kjo protestë, Paloka nënvizon dhe i bën thirrje shqiptarëve, që të dalin në protestë përpara se të marrin rrugët e emigrimit. “Protesto nëse nuk do që të trajtohesh si skllav nga qënie pa din e pa iman, pa fe e pa atdhe, bedele që qëndrojnë në krye të shtetit me votën që ta kanë vjedhur ose blerë për një copë bukë e tani kerkojnë të të marrin gjithçka që të ka mbetur”.
Postimi i plotë
Dil nesër e protesto! Mjaft u ankove kafeneve! Mjaft “u revoltove” në facebook. Protesto përpara se të mendosh të largohesh. Ky është vendi ynë dhe këtu do rrisim fëmijët tanë. Nuk ka nevojë të protestosh për politikanët. Protesto për vete e për fëmijët e tu.
Protesto për vjedhjen, dhunimin e poshtrimin që kjo qeveri të bën çdo ditë! Protesto kundër padrejtesive e arrogancës. Protesto kundër një qeverie e një kryeministri që jo vetëm të vjedh për luksin e tij personal, po pasi të vjedh e të dhunon edhe tallet e kërkon të të poshtrojë.
Protesto përpara se te të vijnë tek dera për të të shembur shtëpinë apo biznesin; përpara se të biesh viktimë e krimit apo e policisë së krimit; përpara se fëmijët e tu të mbetur pa shkollë e pa punë të marrin rrugët e emigrimit.
Protesto nëse nuk do që të trajtohesh si skllav nga qënie pa din e pa iman, pa fe e pa atdhe, bedele që qëndrojnë në krye të shtetit me votën që ta kanë vjedhur ose blerë për një copë bukë e tani kerkojnë të të marrin gjithçka që të ka mbetur! Protesto nesër më 12 nëntor, ora 16.00. Protesto…