Shqipëria ka hequr që është prej ditës së djeshme çdo masë kufizuese kundër Covid-19. Tashmë, autoritetet në vend nuk kërkojnë më as certifikatë vaksinimi e as test negativ për të hyrë në territorin shqiptar, ashtu sikurse maskat nuk janë më të detyrueshme për t’u mbajtur në mjedise të mbyllura.
MMirëpo, në një prononcim për mediat, shefja e shërbimit Infektiv në Qendrën Spitalore “Nënë Tereza” në Tiranë, Najada Çomo u shpreh se pandemia nuk ka përfunduar.
Sipas saj, prindërit janë ata që hezitojnë më shumë për të vaksinuar fëmijët ndaj koronavirusit, edhe pse mjekët deklarojnë se dozat anti-Covid janë mëse të sigurta dhe mbrojnë ndaj mutacioneve.
Kujtojmë se në Shqipëri, afro gjysma e popullsisë mbi 16 vjeç është tashmë vaksinuar kundër Covid, ndërkohë gjatë pandemisë u infektuan me Sars Cov 2 më shumë se 275 mijë persona, ku 3496 prej të cilëve humbën jetën, bëjnë me dije autoritetet shëndetësore.