Mbajtja e dorezave mund t’ju ekspozojë më shumë ndaj koronavirusit. Të paktën kështu ka deklaruar një mjeke në Britaninë e Madhe.
Sipas Dr. Simran Deo, dorezat më shumë u rrisin rrezikun e infektimit sesa u mbrojnë. Deo thotë se ato mund të mbledhin mikrobe në sipërfaqe nga persona të infektuar të cilët mund të kolliten apo tështinë afër tyre.
Duke folur për Mirror, mjekia shpjegoi:
“Ndërsa dorezat mund t’u mbrojnë duart nga kontakti me këto pika, ato gjithsesi do të qëndrojnë në sipërfaqen e dorezave dhe madje mund të zgjasin atje për më gjatë nëse nuk lahen shpesh, duke çuar në një rrezik të shtuar të marrjes së virusit nëse prekni fytyrën ose ushqimin me dorezat, si dhe rrezikun për t’ia kaluar të tjerëve.”
Sipas saj, mënyra më e mirë për t’u mbrojtur është të lani duart rregullisht me ujë dhe sapun si dhe përdorni disfektues për duart.
Simran Deo shton më tej:
“Dorezat nuk duhet të trajtohen si një alternative e higjienës së mirë: Këshillat kryesore janë të siguroheni që të lani duart me sapun dhe ujë, ose të përdorni një disfektues duarsh me bazë alkooli për 20 deri në 30 sekonda, veçanërisht kur keni qenë në transport publik, si trena ose autobusë.”
Zyrtarët e shëndetësisë në të gjithë botën po mundohen që të këshillojnë njerëzit për praktikat më të mira të mbrojtjes ndërsa virusi deri më tan ika infektuar 126,483 njerëz.