Të gjithë ata me të njëjtin grup, duhet të paraqiten tek Banka e Gjakut në Spitalin “Shefqet Ndroqi”
Mjekja endokrinologe, Varvara Lile ndodhet në gjendje të rëndë për jetën në Spitalin ‘Shefqet Ndroqi’ pasi është infektuar me koronavirus. Familjarët e saj kanë bërë apel në rrjetet sociale duke kërkuar dhurues gjaku.
Kjo pasi mjekja na nevojë për gjak të grupit “0+”. Ndërkohë që nuk është bërë me dije se çfarë e ka shkaktuar rëndimin e gjendjes shëndetësore të mjekes. Të gjithë ata me të njëjtin grup, duhet të paraqiten tek Banka e Gjakut në Spitalin “Shefqet Ndroqi” dhe të dhurojnë në emër të Dr. Varvara Lile.
Kushtet që duhet të plotësoni për të dhuruar gjak janë këto:
Duhet të keni gjak të grupit Zero Pozitiv me IGG të lartë ose së paku të keni antitrupa për Covid-19.
Duhet ta keni kaluar Covid-19 dhe të keni të paktën 28 ditë pa simptoma.