Mjeku kirurg N.N., i cili është arrestuar pas kallëzimit për ngacmim seksual nga një 21-vjeçare, ka lënë ambientet e paraburgimit dhe është dërguar në Spitalin e Korçës për shkak të problemeve kardiake.
Mësohet se kirurgu ka pasur shqetësime kardiake dhe është dërguar me urgjencë për kontroll mjekësor.
Pas vizitës dhe ekzaminimeve, EKG-ja ka rezultuar me probleme kardiake, ndërsa mjeku kardiolog ka vendosur që N.N. të mbahet i shtruar në spital, nën monitorim.
Të enjten është caktuar seanca për masën e sigurisë ndaj tij dhe në varësi të gjendjes shëndetësore do të vendoset nëse masa do të zhvillohet në gjykatë apo në ambientet e Spitalit të Korçës.