Injeksione Ozempic false janë identifikuar në Bashkimin Evropian dhe në Mbretërinë e Bashkuar duke ngjallur kështu shqetësim te qytetarët, jo vetëm aty por edhe në vende të tjera.
Florian Toti, endokrinolog është shprehur se Ozempic nuk është për të dobësuar njerëzit. Ai ngriti shqetësimin duke thënë se ky ilaç po përdoret në mënyrë masive dhe pa rekomandimin e mjekut.
“Ozempic nuk është për të dobësuar pacientët, Po përdoret vend e pa vend dhe shpesh dhe pa rekomandime mjekësore. Përdoren nga klinika që janë për dobësim. Nga nutriocionistët. Kam shumë pacientë që më kanë thënë që kanë marrë këtë medikament. Njerëzit po vrapojnë për t’u dobësuar në mënyrë të shpejtë”-tha ai.