E ftuar në emisionin “Arnautistan” të Mustafa Nanos, prezantuesja Dojna Mema tha se në televizionet shqiptare mungon diversiteti sa i takon paraqitjes së femrës.
“Ajo që mendoj është se … perceptimi që nëse një femër zhvishet është vulgare. Nuk mendoj ashtu.
Mund të vishesh me golf dhe të jesh vulgare. Hiperseksualizimi ka qenë gjithmonë. Por mungon diversiteti, mungojnë modelet. Duhet edhe një vajzë ndryshe, të përfaqësohet çdo grup i shoqërisë”, tha ajo.
Mema tha se ka një keqkuptim të feminizmit në Shqipëri.
“Mua me këtë zhvillimin e klinikave estetike të gjitha gratë më duken të bukura. Nuk duhet të keqkuptohet feminizmi. Po përdoret gabim.
Unë nuk besoj shumë në këtë barazinë totale, më duket shumë utopike. Ajo që unë kërkoj është të kem mundëistë e barabarta me një djalë në start”, tha ajo.
“Unë mendoj se shoqëria shqiptare ka një vrap të madh dhe se di ku shkon, jemi bërë fast dhe nuk dimë se çfarë hapi po hedhim përpara.
Unë e quaj veten produkt të një shoqërie shumë më të hershme dhe në adoelshencë bëja batuta me babain tim sepse ai më ka rritur me një lloj fryme që ishte shumë retro për moshën time.
Në moshën 5-vjeçare dëgjoja muzikë të viteve ’60, muzikë retro dhe unë sot e konsideroj veten një 29-vjeçare të lindur në vitet ‘60-të. Babai më ka lënë një pasuri shumë të madhe”, tha Mema.