Vaksinimi me Pfizer dhe Moderna zvogëlon rrezikun e sëmundjes me 94%, sipas Qendrave për Kontrollin dhe Parandalimin e Sëmundjeve (CDC). Sipas studimit të botuar të premten, vetëm 6% e 1,800 punonjësve shëndetësorë të infektuar u vaksinuan plotësisht me njërën nga dy vaksinat e teknologjisë mARN .
Asnjë nga pjesëmarrësit nuk ishte vaksinuar me Jonhson & Johnson. Studimi u zhvillua për të vërtetuar nëse vaksinat parandalojnë rastet simptomatike. Sidoqoftë, fakti që vetëm një përqindje e vogël e testuar pozitivisht ishte vaksinuar plotësisht sugjeron që vaksina mund të parandalojë jo vetëm sëmundjen, por edhe infeksionin dhe transmetimin.
Në një deklaratë drejtoresha e CDC Rochelle Walensky tha: “Ky raport është shpresëdhënës. Vaksinat e koronavirusit dhanë efektin e shumëpritur ” .
Studimi mori në shqyrtim vetëm 500,000 punonjës shëndetësorë. Sidoqoftë, të dhënat ishin të kufizuara në 1,843 të cilët me siguri u infektuan koronavirus gjatë punës së tyre. Midis tyre 623 persona rezultuan pozitivë dhe 1,220 negativë. Në fakt, vetëm 40 nga 623 u vaksinuan me të dyja dozat.
Kjo do të thotë, vetëm 3% e atyre që rezultuan pozitivë u vaksinuan plotësisht, krahasuar me 15% të atyre që testuan negativë. Kjo tregon por nuk provon që individët e vaksinuar plotësisht kanë pesë herë më pak gjasa për t’u infektuar me koronavirus dhe se vaksina ka një efikasitet deri në 96%.
Sidoqoftë, studimi nuk përfshiu persona që ishin pozitivë apo asimptomatikë. Prandaj studimi nuk mund të provojë se vaksina parandalon infeksionin. Në të njëjtën kohë, 64 njerëz rezultuan pozitivë për një dozë të Pfizer ose Moderna dhe 241 rezultuan negativë.
Kjo do të thotë që edhe një dozë e vetme ishte 82% efektive në parandalimin e simptomave. Me fjalë të tjera, rreziku i sëmundjes së koronavirusit është ulur me 94% për më shumë se 120 milion persona dhe 155 milion kanë 82% më pak të ngjarë të sëmuren.
Së bashku me studime të tjera, ky është i mjaftueshëm për të bindur CDC që njerëzit e vaksinuar plotësisht mund të lëvizin pa maska.