Mokra është gati të mirëpresë edicionin e pestë të “Mokra n’Fest”, ngjarja më e madhe që bashkon mokrarët nga të gjitha trevat, duke nxjerrë në pah traditat, kulturën, historinë dhe natyrën e jashtëzakonshme të kësaj perle shqiptare. Më 23-24 gusht, fshati Potkozhan, vendlindja e vëllezërve Zografi dhe Maro Mokrës, do të bëhet qendra e festimeve ku do të nderohen monumentet e natyrës dhe kulturës së zonës, e cila premton një të ardhme të ndritur për turizmin.
Të gjithë janë të ftuar të bashkohen me mokrarët për të shijuar vallëzimin dhe dollitë që janë karakteristikë e kësaj zone, në një atmosferë të mbushur me folklor dhe gëzim, ashtu siç vetëm mokrarët dinë të festojnë.