Kryetarja e Partisë Lëvizja Socialiste për Integrim Monika Kryemadhi, duke folur për situatën aktuale në vend, ka treguar dhe situatën e vështirë me të cilën është përballur dhe e ëma.
Kryemadhi tha se mamaja e saj në muajin maj mund të kishte vdekur nëse nuk do të ishte për mjekun e familjes, pasi e ëma mendonte se ishte e sëmurë nga stomaku, por në fakt ishte e sëmurë nga zemra dhe mjeku i familjes e këshilloi të vizitohej te kardiologu.
“Mamaja ime në maj do kishte vdekur, sepse mendonte që ishte nga stomaku, por ishte e sëmurë nga zemra. Ishte mjeku i familjes, doktor Maksi, ai që e shpëtoi dhe i tha që duhet të shkonte te një kardiolog. Po të vazhdonte mamaja ime me mendimin e saj, që ishte edhe vetë personel shëndetësor, imagjino një person tjetër”, tha Kryemadhi.