Monika Kryemadhi, kryetarja e LSI, ka bërë sot një deklaratë të fortë në lidhje me origjinën e COVID-19. E ftuar sot në emisionin “Open” në Top Channel, Kryemadhi tha se koronavirusi është prodhuar nga një laborat në Kinë, duke iu referuar laboratorit të virologjisë në Wuhan.
Ajo shtoi se ky virus është si një armë për vrasje në masë, e sipas saj kemi të bëjmë me një virus sintetik dhe jo bakterologjik.
“E dimë të gjithë se koronavirusi është prodhuar nga një laborator në Kinë, prandaj ka përplasje mes SHBA dhe Kinës. Ideja e koronavirusit kishte idenë e një arme të vrasjes në masë. Unë nuk mendoj se është një virus si ebola dhe gripi i derrit, nuk është bakterologjik, por sintetik, prandaj bota është konfuze. Ky është mendimi im dhe nuk ma ndryshon as Karlo dhe as presidenti Donald Trump”, shtoi kryetarja e LSI.