Monstra që tronditi vendin vite më parë, Shpëtim Ziza, i dënuar për jetë pasi përdhunoi dhe vrau 10 vjeçarin Besim Çenga në 2007, i ka vënë sot flakën qelisë së burgut të Fushë-Krujës.
Sipas News 24 ai ka marrë lëndime në trup dhe është transportuar në spital dhe është nën kujdesin e mjekëve.
Nuk është hera e parë që Ziza përpiqet të vetëlëndohet, pasi edhe më parë ka tentuar që t’i japë fund jetës.
Prej kohësh ky i fundit mbahej në izolim,
NGJARJA e 2007
Shpëtim Zisa, i dënuar me burgim të përjetshëm për vrasjen e 10-vjeçarit Besim Çenga. Vrasja e të miturit ndodhi në Peshkopi në vitin 2007, por familja e të akuzuarit nuk e pranoi asnjëherë implikimin e djalit në krimin makabër.
Në vitin 2007, policia e Dibrës arrestoi Shpëtim Zizën nën dyshimet se ishte autor i vrasjes së 10-vjeçarit Bekim Çenga. I akuzuari, banor i lagjes “Kamen” në qytetin e Peshkopisë, fqinj me viktimën, u pretendua se e ka pranuar kryerjen e krimit, duke pohuar se e kishte përdhunuar, goditur e më pas mbytur fëmijën me lidhëse këpucësh. Megjithatë, policia tha se 19-vjeçari është një i sëmurë psikik me kartelë mjekësore.
Trupi i pajetë i 10-vjeçarit Bekim Çenga u gjet në një përrua afër fshatit Tomin të rrethit të Dibrës, 7 kilometra larg Peshkopisë, 5 ditë pas zhdukjes më 23 tetor 2007.
Ai ishte fëmija i madh i shtetasit Ylli Çenga, banor i lagjes “Kamen” të qytetit të Peshkopisë.