I cilësuar si monstra, autori i vrasjes makabre të 8-vjeçarit Mateo Vasia në fshatin Gracalli të Fierit, Klodian Çalamani refuzon pjesëmarrjen në seancat gjyqësore. Edhe gjatë ditës së djeshme, ai mungoi në sallën e gjyqit në Gjykatën e Vlorës me pretendimin se ishte i sëmurë.
Por trupi gjykues ka dhënë urdhër që Klodian Çalamani të merret me forcë nga ana e policisë dhe të paraqitet në sallën e gjyqit.
Gjatë seancës së djeshme, në sallën e gjyqit ishin të pranishëm edhe familjarë të 8-vjeçarit të ndjerë, përkatësisht prindërit e viktimës, si dhe halla e tij.