Lajmi se Lulzim Basha përjashtoi Sali Berishën nga grupi parlamentar i Partisë Demokratike ka sjellë shumë reagime nga publiku dhe madje i kanë dedikuar meme kësaj situate të krijuar.
Së fundmi ka qarkulluar një foto e modifikuar sikur Sali Berisha dhe Lulzim Basha kanë qenë në emisionin “Dua të të bëj të lumtur” të Arbana Osmanit.
Kjo meme ka bërë xhiron e rrjetit dhe mesa duket i është dërguar me qindra herë Arbanës, e cila ka reaguar në lidhje me këtë.
Ndërkohë moderatorja po punon për sezonin e ri televiziv, ku po ashtu do të prezantojë “Big Brother VIP”.
“Po e publikoj që t’iu tregoj se po e kam parë dhe është shumë funny dhe nuk ka nevojë t’ma dërgoni më’, shkruan Arbana.
Pak ditë më parë, ajo zhvilloi një bisedë virtuale me ndjekësit e saj në “InstaStory”, ku ndër të tjera ka thënë arsyen pse spektakli po zhvillohet tani dhe jo vite më parë.
“Nje format televiziv ndodh qe te mos zhvillohet per arsye te ndryshme. Ka ne bote formate shume te suksseshme qe e lodhin audiencen dhe kane nje stop. Ka formate realizimi i te cilave eshte shume i kushtueshem dhe kostot nuk e justifikojne suksesin dhe kane nje stop. Mendoj qe para 4 vitesh bb ndaloi ne momentin e duhur. Ndryshe nuk do ishte gjithe kjo deshire per ta ripare. Ashtu sic mendoj qe tani jane pjekur te gjitha kushtet per te rifilluar, natyrisht me nje vizion te ri dhe ambicje te reja. Big brother eshte nje sipermarrje gjigande, eshte nje televizon brenda televizionit dhe qe ne momentin qe eshte vendosur rikthimi i realizimit te formatit eshte investuar shume. Po ndertohet nje shtepi me siperfaqe 1500m2 ngjitur me studiot e tv, eshte investuar ne teknologji per te patur fjalen e fundit te teknikes, ne burime njerezore per te patur profesionistet me te mire te fushes. Eshte nje pune ne skuader qe te jep vec frymezim dhe motivim per te punuar. Eshte nje fryme qe kujton pak kohen e Tanit, ndoshta nga perfshirja e Lorit, ndoshta sepse na ka marre malli per spektakle live, ndoshta sepse pritshmerite jane te medha dhe pergjegjesite akoma me te medha”, ka thënë Arbana.
