Një debat i ashpër ka ndodhur mes Indrit Çobanit dhe Tiri Gjocit, ku tonet janë ngritur dhe janë shkëmbyer fjalë të forta. Tiri iu drejtua Indritit me fjalët: “Shko ti rri me partneren tënde”. Indriti nuk e priti aspak mirë këtë koment dhe reagoi menjëherë.
”Mos ma përmend partneren o qime-kuq. Partneren tënde e ke brenda”. Kjo frazë i referohej faktit që e dashura e Tirit, Krisa, është gjithashtu pjesë e shtëpisë së BBVA, gjë që e bëri situatën edhe më të ndjeshme.
Marrëdhënia mes Indritit dhe Tirit ka qenë e tensionuar që prej fillimit të këtij edicioni, por ky debat duket se ka përkeqësuar situatën. Përmendja e partnerëve në mes të një debati të tillë është shpesh një pikë e ndjeshme për banorët. Atmosfera në shtëpi u tensionua akoma më shumë, ndërsa banorët e tjerë u munduan të ndërhynin për të qetësuar situatën.