Drejtoria e Përgjithshme Detare ka bërë me dije se në 3 ditët e ardhshme pritet një përkeqësim i motit në det.
Përmes një njoftimi, Drejtoria e Përgjithshme Detare, bën me dije se bregdeti ynë do të përfshihet nga erëra me drejtim nga jugu në juglindje duke u bërë thirrje të gjithë subjekteve që operojnë në fushën e detarisë të marrin masa për sigurimin e mjeteve në porte.
“Drejtoria e Përgjithshme Detare njofton lundërtarët, pronarët e mjeteve detare, operatorët në portet e Shqipërisë dhe në hapësirën detare, që ditën e premte, të shtunë dhe të diel, në datat 1, 2 dhe 3 shkurt 2019, bregdeti ynë do të përfshihet nga erëra me drejtim nga jugu në juglindje dhe forca e detit 7, shkalla Boufort, në det të hapur.
Drejtoria Detare iu bën thirrje të gjithë subjekteve që operojnë në fushën e detarisë që të marrin masa për sigurimin e mjeteve në porte dhe të rrisin shkallën e gatishmërisë së ekuipazhit në mjete”- thuhet nga Drejtoria e Përgjithshme Detare.