Tom Cruise ka qortuar stafin e filmit “Mission Impossible 7”, për shkak se kanë neglizhuar rregullat anti-covid. Në një audio të publikuar nga mediat e huaja, Cruise dëgjohet duke i folur rreptë stafit dhe me të drejtë pasi ata nuk kishin ruajtur distancën.
“Në Hollyëood po bëhen filma për shkakun tonë, sepse besojnë tek ne dhe ajo çfarë bëjmë! Jam duke folur në telefon me çdo studio, kompani sigurimi, producentë dhe ata na kanë shembull ne. Ne po mbajmë me punë mijëra njerëz o ‘motherfuckers’. Mos ta shoh më këtë që ndodhi sot! Kurrë më! Nëse shoh që ndodh sërish…jeni të pushuar. Nuk ka falje. Këto thuajani njerëzve që po humbasin punët e tyre dhe bukën e gojës sepse industria jonë po mbyllet. Këtë mendoj çdo natë, të ardhmen e kësaj industrie. Kështu që nuk i pranoj faljet tuaja. Unë e bëra timen, ju thashë, nëse nuk e zbatoni, përjashta! Ne nuk do e mbyllim këtë dreq industrie! Morët vesh? Jam i qartë? E kuptuat çfarë dua? E kuptoni përgjegjshmërinë që keni? Sepse nëse nuk keni logjikë, jeni të pushuar. Kaq po them!”-mësohet të ketë thënë Cruise.