Sipas MeteoAlb, Shqipëria do të mbetet edhe ditën e sotme, më 17 korrik, nën ndikimin e motit të nxehtë.
Në orët e paradites vendi do të dominohet nga intervale të gjata me kthjellime dhe temperatura mjaft të larta, ndërsa pjesa e dytë e ditës do të sjellë kalime vranësirash të lehta në pjesën më të madhe të territorit. Më të fokusuara vranësirat do të jenë në zonat e thella të Juglindjes duke gjeneruar rrebeshe të
izoluara shiu.
Temperaturat e ajrit do të pësojnë rritje të tyre duke luhatur vlerat ditore nga 20°C vlera më e ulët deri në 42°C vlera më e lartë.
Era do të fryjë mesatare deri e fortë, duke arritur shpejtësinë mbi 45 km/h nga drejtimi Veriperëndimor, për pasojë në brigjet detare do të krijohet dallgëzim 3 ballë.